Arcerh Khua Pu Tin Aung Nih Ngal A Kah I A Thin Ah Cafang Aa Tial

Ngal a thin ah cafang aa tialmi

Salai Elvis| 2018 July 3| Thantlang peng Arcerh khuami Pu Tin Aung cu July 2 zanlei sang ah amah lawng in ram a vai, ngal sumh 4 (a pa) a kah i a sa an can hnu a thin ah “JUOO” timi cafang bantuk aa tial caah khuami cehukhat an khuaruah har.

“Asa cu an ei ko nain zei ticun an um lem lo, asinain a thin ah cafang aa tialnak zawnka cu an hleh i an chiah ko” tiah khua upa pakhat nih a chim.

Ngal a thin ah cafang aa tialmi

“Pu Tin Aung cu kan khua in Lahva lei kap Buankheng tlang kan timi ah amah lawng in ram a vai. Zan sumilam 8 tlin hlan deuh ah ngal sumh 4 tluk a pa a kah hi a si. A thin ah cun cafang bantuk cu aa tial ko nain zeibantuk cafang a si timi an i fiang cio lo. Cucaah a sa cu an ei ko nain cafang aa tialnak zawn cu ei lo in an chiah ko. Zeitin an tuah lai cu ka hngal lo” tiah Arcerh khuabawi hlun Pu Cung Mang nih TCP ah a chim.

Arcerh khua sakap mi cheukhat hna nih hi bantuk thil hi an tong bal lo i Laitlang huap zongin hmuh le ton balmi thil a si lo tiah theih a si.

Na ruahning rak langhter ve.. (Leave a comment)

%d bloggers like this: