ASEAN nih NUG le EAOs he phungning tein a ton hna ding a si tiah APHR nih a forhfial

The Chinland Post | 2022 April 25 – ASEAN hruaitu pawl karlak ah hnatlaknak kumkhat a tlin hnu tiang ah General Min Aung Hliang nih pakhat te hmanh a zulh lo caah Kawl ralkap hruaitu pawl le ralkap cungah a ziizutnak tuah caan a zaa cang tiah Associate Professional in Human Resources (APHR) nih April 24 ah ca a kuat.

A tu kong he pehtlai in ASEAN nih a zulh ding pa 5 APHR nih a thanh.

A pakhatnak cu ASEAN nih Kawlram he pehtlai in palai riankhinhnak kong ah biatak tein a tuak a herh tiah a langhter. Kum khat ah pakhat aa thlen caah zulhphung lei he pehtlai in harnak a um tiah a langhter.

A pahnihnak cu a luancia kum ah phun 5 aa telmi hnatlaknak ngeih a si lioah a caan riikhiahnak le rianrang in ṭuanchuahnak ah a tha a der tiah a ti. A tha rak ṭhawng sehlaw SAC nih an buarmi sualnak le a phichuak pawl a tuar ding a si i ASEAN chungtel sinak zong in chuah, SAC chungtel pawl khual tlawnnak nawl phihkhanhnak hna an tuar ding a si.

A pathumnak cu ASEAN nih UN Secretary General le Security Council he naihniam tein rianṭuan a herh.

A palinak cu ASEAN nih mipi bawmhchannak phu pawl, khuakip i mipi bawmhnak phu pawl le UN kuttang ah a ummi phu pawl he neihniam tein rianṭuanṭi in harnak a tongmi pawl bawmh ding in a forhfial.

A hnubik ah, ASEAN nih NUG le EAOs tlangcung hriamtlai phu pawl he phungning (zapi theih) tein tonnak ngei ding in a forhfial.

Na ruahning rak langhter ve.. (Leave a comment)

%d bloggers like this: