ASEAN ram hruaitu tonnak ah Min Aung Hlaing kai lo ding in bia an chah

0

TCP Hakha | 2021 October 15 — A ralai mi 2021 October 26 – 28 ah tuah ding mi ASEAN hruaitu lubik hna tonbiaruahnak ah Ramkomh Kawlram SAC Ralhrang hruaitu Min Aung Hlaing kainak nawl pek lo ding in ASEAN ramleng minister pawl tonnak nih nihin (October 15) ah biachahnak an tuah tiah Japan thanhca NHK le ramchung rinhchanh mi Media cheukhat nih an thanh.

Malaysia ramleng minister nih cun aralaimi ASEAN hruaitu tonnak ah Min Aung Hlaing sawm ding le sawm lo ding biachahnak cu thaizing (October 16) ah phungning in kan thanh te lai tiah Media sin ah a chim.

ASEAN nih Kawlram chung remdaihnak le zauk phung ser thannak ding caah tuah ding mi phung (5) a ser i cu a tlamtlin nakding ah Brunei ramleng minister changtu Mr. Erywan Yusof cu palai ah an thlah. Mr. Erywan Yusof cu Kawlram rat aa tim nain SAC ralhrang nih Daw Aung San Suu Kyi telh in a duh mi bu le phu he ton ding a khenkham caah Kawlram rat ding aa let than.

Nihin ASEAN ramleng minister pawl tonnak ah le Kawlram SAC hruaitu Min Aung Hlaing sawm ding le sawm lo ding ceihmainak ah Kawlram ramleng minister Wanna Maung Lwin zong a kai ve.

EU Parliament zong nih Ramkomh Kawlram cozah ah SAC cohlan lo ding NUG cohlan ding ah biachahnak a tuah cang i, S. Korea, France le Czech Republic ram zong nih NUG cu Kawlram phungning cozah ah cohlan ding in hnatlaknak an ngei cang.#

About The Author

Na ruahning rak langhter ve.. (Leave a comment)

%d bloggers like this: