Aung La Nsang Nih Japan Pa Ken Hasegawa A Tei; World Champion Voithumnak A Co A Si Cang

0

City Hunter| 2018 June 30| Kawlram limpi tiah auhmi Kachin pa Aung La Nsang (Myanmar) nih 2017 kum ah One Championship i middleweight World Championship a rak comi runven thannak caah June 29 zan ah Japan pa Ken Hasegawa he an i thong. Aung La Nsang nih a round 5nak ah tenglak in a thongh caah middleweight World Championship taisawm pi cu a runven khawh than.

Tutan teinak a hmuhmi hi Aung La Nsang nih world level in champion voithumnak a co a si cang. An pahnih nih an in rilh nawn. An phing, an tlek pah dih veve. A round 5nak ah Aung La Nsang nih tenglak in a thuat i a tei beh. Tutan an i thutmi a min cu; One Championship: Spirit of A Warrior ti zong in an auh.

https://www.youtube.com/watch?v=Mvb35AVbMEI

Aung La Nsang (kum 33) hi voi 22 teinak a hmu cang (win) i voi 10 a sung bal cang (loses), voi 1 aa tluk (draws) bal cang. Cu bantuk in Ken Hasegawa (kum 31) hi voi 16 teinak hmu i voi 2 sung, voikhat aa tluk bal ve cang.

2018 February 23 ah Yangon khuapi Tuhwahnah celhtual ah One Championship nih tuahmi Mixed Martial Arts (MMA) pumpak thazaang chuah in izuamcawhnak Light Heavyweight world championship ah Kawlram aiawh in aa zuammi Khachin pa Aung La Nsang nih zuamcawhtu Brazil rammi Alexandre Machodo cu seconds 56 ah teng lak in a tei caah One Championship i Light Heavyweight ah champion a co.

2017 kum June thla lio khan One Championship i Middleweight ah Russia rammi a tei caah sui taihrolh pakhat a rak hmu bal cang fawn. Cu lio ahcun Aung La Nsang nih, “Heavyweight taktak cu zuam aa timh lonak kong le tu a comi pahnih tu hi midang nih an laak lonak ding tu runven peng aa timhnak kong zong a rak chim.

About The Author

Na ruahning rak langhter ve.. (Leave a comment)

%d bloggers like this: