Aung San Milem Kong Ah Hakha Zatlang Bu Tonnak An Ngei: Kan Duh Lo Tiah Bia An Chah

0

 The Chinland Post | 2019 September 17 | Hakha ah NLD hruainak ah bunh dingmi Aung San milem kong cu Hakha Civil Society Network (HCSN) hruainak in Hakha Rescue Centr (HRC) zung ah September 17 ah an tuah i a tlangpi in Boyoke Aung San Milem Hakha ah phun kan duh lo tiin biakhiahnak an ngei tiah thawng kan theih.

Hi ton biaruahnak ah Hakha hrambunh CSOs telh in le NLD cozah nih a dirhmi Boyoke Milem sernak Committee an kai i CSOs lei in atu bantuk in Hakha ah Aung San Milem bunh duh lo ding in a tlangpi in bia an chah hi a si.

“Hi tonnak ah cozah nih a dirhmi Milem sernak Committee in Chairman le a dang minung pathum an i tel kho ve. Anmah zong nih sining kan hal hna, kan chimhter hna i zeihmanh kan theih rih lo. Cozah lei in cukha an kan ti rih lo tiah an ti. A kaimi dihlak ruahnak kan lak cio i duh lo tam deuh a si caah “kan duh lo tiah a tlangpi in bia kan chah hi a si. Cu vial lawng nihin kan chah kho I hi kong he pehtlai in September 28 ah meeting kan auh qhan. Mah tik ah cawlcanghning le hi milem kong biachahnak cu tling deuh in Hakha hrambunh zatlang bu lungput kan langhter te lai,” tiah tonpumhnak a kai ve mi pakhat nih The Chinland Post ah a chim.

Yangon, Myanmar – January 19, 2015: Monument of General Aung San with his horse in Yangon, Myanmar. He’s considered Father of the Nation of modern-day Myanmar.

Hakha ah bunh ding Aung San Milem cu atu ah Hakha a phan cang i phunhnak a hmun biacahnak le ceihmainak a um rih lo tiah kan theih.

Hi Milem cu Hlutaw zung hmai ah Kattaya a phahmi Company pakhat nih a hlutmi a si tiah Chin ramkulh cozah sin in kan theih.

About The Author

Na ruahning rak langhter ve.. (Leave a comment)

%d bloggers like this: