Aung San Suu Kyi_ Covid-19 Hrik Khamnak Sii Ngandamnak Lei Riantuantu Chunh Hmasa An Si lai
Salai David Van| TCP-Hakha| 2021January 22| Covid-19 hrik khamnak sii 1.5 million cu January 22 ah Myanmar ram a phan cang lai tiah Myanmar ram ruahnak petu Daw Aung San Suu Kyi nih a chim.
“January 22 ah Covid-19 hrik khamnak sii 1.5million a phan cang lai i minung 7 million ca a deih lai. Covid khamnak sii hi minung pakhat ah voihnih chunh a hau mi a si i voikhat chunh an si hnu ni 28 a luan hnu ah chunh than an si lai. A pakhatnak bik ah covid pulrai lak ah nunnak pek in ngandamnak zung ah rian a tuanmi pawl chunh hmasa an si lai. Hitibantuk in ngandamnak zungah a tuanmi pawl chunh hmasa an si lai mi hi mipi zong nan lungtlin cio lai tiah ruahchannak ka ngei. A pahnihnak ah cozah riantuan chung in rampi I thithruainak ah a biapi deuh mi pawl chunh an si lai. Hi bia van chim hi nan hmaikhah a si lo ngai a ruang cu keimah pumpak zong ka tel ve caah a si. Hi zong hi nan kan theihthiam piak lai tiah ka ruahchan. Zeiruang kan ti si ahcun rampi i thithruainak caah a biapi tuk mi an si caah a si. Covid sii chunh hmasa ding ah hin Rampi Htludaw Pulai pawl zong an i tel zeiruang kan ti si cun a ruah hlan ah hmun kaakip in palai pawl meeting tuah a si lai caah cu meeting tuahnak I hmunkhat te an um lio ah chunh a si lai caah hin a relrem ngai. Cun rampi a thithruainak ca zong ah a biapi tuk tiah” 2021 January 21 ah Myanmar ram ruahnak pe tu Daw Aung San Suu Kyi nih a chim.
“Covid-19 hrik khamnak sii chunh ding hi a ra lai mi zarh ah thok dingin kan suaisam. Rian van thok taktak tik ah zeibantuk harsatnak dah kan ton khawh timi le zeipawl dah kan I timhlamh than a herh timi pawl kan theih lai. Cu kan theihmi pawl zohchun cun kan pehzulh lai. Cun chunh hmasa ding timi pawl htlutdaw palai hna le cozah ngandamank zung riantuan pawl cu chunh an si lai i a ra lai mi zarh ni 10 tluk a ruah ah a voikhatnak chunh ding pawl cu kan i lim lai tiah kan ruahdamh. Cun covid-19 hrik khamnak si a van phak than bak ina chang chang tein zawtnak a karh deuhnak le a bia deuh nak pawl, cun rampi i thithruainak tha tein a kal khawhnak caah a biapi mi hmunhma pawl chunh papek in kan tuaktan piak hna lai. Cu kan suaisam dih bak cun mipi sin ah theihternak kanvna tuah colh te ko lai. Zeiruangah dah, zeibantuk minung hna ruang dah cuka hmunhma cu pa kan pek timi pawl zong mipi sin ah theihternak kan van ngei than te lai tiah” rampi ruahnak petu Daw Aung San Suu Kyi nih a chim. Ref: RFA
