Australia Nih Chin Ralzam A Lak Than Lai
Demonstrators march during a protest to demand humane treatment of asylum seekers and refugees, in Sydney on July 21, 2018. Australia's detention of asylum-seekers on the remote Pacific islands of Nauru and Papua New Guinea's Manus has drawn international criticism after news of alleged widespread abuse and an "epidemic of self-harm" and suicide. / AFP PHOTO / PETER PARKS
The Chinland Post| 2018 November 15| Miphun caah suttung bang a dirmi Chin Community of WA Inc. hna le Australia Cozah nih ralzam laknak kongah tuanvo a pekmi Department of Immigration chungtel hna cu Malaysia le India ah har lengmang le thindomh in a ummi kan Chin Miphun hna kong ah tonbiaruahnak an ngei.
Biatungtlang an ceihkhanmi lakah Chin Ralzam lak pehzulh ding le Australia ram khuasa ciami Chin Miphun nih citizenship (rammi sinak) soknak kongah harsatnak an tonmi bawmhchanhnak hnatlak a si.
Chin ralzam laknak: Australia cozah nih a tlangpi in ralzam a laknak hi visa(s) 5 in a then ti ko usih (200, 201, 202, 203 le 204) an si. Thanuam ngai in an chimmi cu June thla lio ah UN nih Chin Ralzam sinak donghter le kirter phun in thawng an thanh ko hna nain kannih Australia nih cun 2018-2019 chung ah “200, 202 le 204” visa hmangin ralzam kan lak tawn bang kan pehzulh ko lai, hi hna visa hmangin nannih Chin Ralzam laknak kan kalpi rih ko lai.
Amahbelte 2019, December thla khin cun 200 le 204 visa in laknak thazaang bel kan derter deuh lai i milu zat kan thumh lai. Asinain tulio nan i kawhauhnak 202 visa hi a hnursuang tuk lem lai lo. Zeicahtiah 202 visa tangah mi kawhauh nan duh tikah ralzam si kher kha a herhmi a si lo.
Nan ram ah nan him ciah le himlo kherhhlai awkah minung zong kan i thlah. Cucaah 2018-2019 chung hi Chin Ralzam lak awk nan si rih ko tihi a lang. Amahbelte cu laknak a tuahmi hna hi Metropolitan le lamhlatnak kilne deuh kan ti lai cu, cubantuk hmun ah a ummi nih an tuah ahcun papek (usape) an si lai.
Ko-autu kha hmunpi deuh ah a ummi a si i kilne deuh or lamhlatnak deuh ah tthialkam a duh lo ahcun a a kawhauhmi tal cu Cozah nih Australia ah umtlak dingin a timi le an chiahnak hna hmun paoh ah lungsi tein, alnak um lo tein an um le khuasak a hau lai tiah, Department of immigration lei nih an chim.
Cun 202 visa zong he pehtlai in UN nih December, 2019 ah in chut te hna sehlaw, zeibantuk ID fah hman awk a tthat lai tiah, Chin Community of WA leiin, “Jimmy Iangle” Deputy Executive Director nih biahalnak a ngeihmi leh rih lo a si.
Note: hi kong hi a cung kan langhtermi “Chin Community of WA” credited pek an si.
Nawlnak: Zokzok in phone in tialmi a si caah, palhnak um ahcun ruahthiam le ngaihthiam um naklai kan nawl hna.
Cattialtu: Carson TwinTwin
About The Author
