Australia nih 95 million a bawmh lai, ralzaam 2,000 visa a chuahpiak hna lai

Scott Morrison, Prime Minister of Australia

The Chinland Post | 2022 March 29 – Australia nih Myanmar ram caah tukum chungah nuai $ 95 (million) a bawmh leng ah ralzaam 2,000 cu (humanitarian) visa ka chuahpiak an si lai tiah Australia Prime Minister Scott Morrison nih a chim.

Australia Prime Minister nih tukum rampi budget chung in Myanmar bawmh ding tiah a chimmi charhchan in Liberal party MP Dean Smith nih a pumpak Facebook cahmai ah a tar.

Myanmar ah ralkap doh in CDM a tuahmi ralbawi pawl zong Australia ram ah i dor khawhnak nawl an ngei timi thawngpang zong kan hnulei hrawngah Australia thawngzamh cheukhat nih an rak langhter cang.

Australia ram thimnak thlahhnih hrawng aa duh lioah Myanmar rammi hna caah bawmhchannak pek ding in cozah nih a tawkrelmi hi a si. Australia Prime Minister Scott Moris cu Perth khua a phak lioah Mayanmar rammi phu pawl he a voihnihnak tonnak a ngei.

Australia cozah nih hramhram uknak tang in Myanmar rammi pawl luat khawhnak caah bawmhnak a pek deuh hau tiah a dohtu party nih an fial.

Ref: DVB

Na ruahning rak langhter ve.. (Leave a comment)

%d bloggers like this: