Australia Ram Phan Pi Suu Kyi Cu Mibu Nih Duhlonak An Langhter, Sihni Pawl Tiang Nih Tlaih In Taza Cuai An Timh
TCP-Online| 2018 March 18| Australia ram Sydney ah tuahmi Asian-Australia meeting ah kai ding in Pi Suu Kyi cu Asian ramhruaitu cheukhat hna he Australia ram an phan.
March 17-18 ah tuahmi Asian-Australia meeting pi a kaimi ramhruaitu hna in Pi Suu Kyi tel in Vietnam le Cambodia ramhruaitu hna zong Australia ram ummi hna nih duhlonak an langhter.
Hiti an langhtermi ah hin Pi Suu Kyi cu Rakhine ram Rohinya kong a buainak ah a bikin duhlonak cu an langhter i Nobel daihnak laksawng a comi zong chunh than dih ding tiang an langhter.
Australia ram ah sihni Ron Merkel QC nih Pi Suu Kyi cu Rakhine ram Rohinya kongah Australia a um chung hin taza kan cuai lai tiah a ti. Nain ramkomh sihni bawizik zung lei nih cun ramhruaitu pakhat cu mahbantuk in tlaih le tazacuai khawh a si lo tiah Ron Merkel QC nawlnak zong an hnon than.
Pi Suu Kyi cu Australia ram a voi khatnak a rak tlawn lio khan cu amah a harnak kong hna an theih tikah hohmanh nih amah cungah duhlonak phun an rak langhter lo, nain, tutan i Australia ram a tlawn cu fak tak in amah cu duhlonak an langhter hnawn. Hiti duhlonak a langhtermi ah hin Kawlram mi cu an i tel lo.
March 19 ni ah Pi Suu Kyi cu Australia phan Kawlram mi hna he zong a dang tein tonnak an ngei te lai ti thawng kan theih.
Ref:BBC
About The Author
