Avoi 16nak CBC Graduation Day Ah Degree Le Award Peknak An Ngei
Salai Aung| 2019 March 4| Hakha hrambunh AG bible sianginn a simi Calvary Bible College graduation day cu March 3 ah avoi 16nak an tuah i degree peknak le award peknak an ngei kho tiah theih a si.
Atu tan degree peknak ah minung 9 nih tlamtling tein an lak khawh. B.Th ah minung 5 le Diploma ah minung 4, an zapi minung 9 nih tlamtling tein an lak khawh. Hi degree petu dingah Kawlram chung AG lutlai bik Superintendent Rev.Dr. L. Johan an sawm i amah nih a pek hna tiah kan theih.
Siangngakchia zong tampi thazaang peknak thawngtha a chimh fawn hna. Khrihfa cu kan sual deuh cangka in Bible sianginn ah kan chiah colh hna.
“Misual chiahnak cu thonginn khi a si. Bible sianginn nan rat ko ah cun nun remh i zuam ko u. Khirh ca ah saltha si i zuam ko u. Khrih ca ah lamkaltu nih cun pumsa tiangin remh khawh a herh” tiah forhfialnak a ngeih hna.
Hi degree lak ni ah award peknak zong an tuah chih kho. Cu hna cu a tanglei bangtuk in a si.
- Character award ah Pe Thang (final year),
- Spiritual award ah Salai Tuan Mang (Final year),
- Leadership ah Salai Tuan Mang (Final year),
Academic award ah; 1. Nu Nge Hnin Aung (final year),
- Mary Tun (third year),
- Siang Tha Hlawn (second year),
- Best student award ah Siang Tha Hlawn (second year),
- Cung Chin Mang (Frist Year) nih award an ngah.
CBC sianginn ah a kaimi sianghngakchia dihlak hi minung 53 an si. CBC bible college uktu president cu Rev. Dr. Joshua Zam Hu a si.
