Avoi 1nak Chin Ramkulh Pengkomh Nu Pumpululh Chuih Zuamnak An Tuah Lai

0

Salai Cung Cung |2018 July 26| Avoi 1nak Chin ramkulh pengkomh nu pumpululh chuih zuamnak cu August 1 in 10 tiang an tuah lai tiah kan theih.

Hi pumpululh chuih zuamnak cu Chin ramkulh pengkomh kip an si i Hakha penkomh in a chuak khomi hi Hakha GTI, Hakha College, Hakha Education College, Falam pengkomh in phukhat le Mindat pengkomh in phukhat an si lai.

“Tutan tuahdingmi Chin ramkulh pengkomh in kum 25 tang nu pumpululh chuih zuamnak hi avoi 1nak bik kan tuah a si lai. Aa zuammi phu paoh phukhat ah ks. sing 2 (200,000) cio pek an si lai. Tutan pumpululh chuih zuamnak in a thiam bikmi thim an si lai i aralaimi January thla ramkomh pumpululh zuamnak Naypyidaw ah kal a site lai” tiah Hakha penguk zaanglekcelhnak zung lutlai Pu Jacob nih The Chinland Post ah a chim.

Hi pumpululh chuih zuamnak cu Chin ramkulh Chief minister nupi tawrelnak in tuahmi a si i Chin ramkulh women Sport Committee Na-ya-kah Cup tiah auh a si.

Chin ramkulh pengkomh kip Nu tlik zuamnak zong aralaimi September 4 in 6 tiang an tuah lai tiah theih a si. ++++

About The Author

Na ruahning rak langhter ve.. (Leave a comment)

%d bloggers like this: