Avoi 21nak Lai Sianghleirun Siangngakchia Bu (LSSB) Kalay, Sportday An Tuah
TCP-Kalay|February 17, 2019|ย Lai Sianghleirun Siangngakchia Bu (LSSB)Kalay Sportday cu Satawn Celtual-Kalaymyo ah (February 16-17, 2019 tiang nihnih chung an tuah.
Zuamnak phun 2 chungin teinak a hmutu hna cu, Football pakhatnak ah Senthang peng University Students Fellowship (SUSF), pahnihnak ah Computer University(CU) le Nu Volleyball ah pakhatnak Zophei University Students Fellowship (ZUSF) le pahnihnak Kalay Lautu Students Fellowship(KLSF) an si.
LSSB nih zohchunhtlak timi laksawng an tuah i Bual University Students Organization(BUSO)ย nih an hmuh tiah The Chinland Post nih thawng kan theih.
2019 kum Laisianghleirun Siangngakchia Bu Chungtel hna cu:
- Khualhring tlang Sianghleirun Chungkhar (KSC)
- Vanzang tlang University Students Fellowship( VUSF)
- Vailamtlang Sianghleirun Chungkhar( VSC)
- Zophei University students Fellowship(ZPUSF)
- Zahnaktlang University Students Fellowship(ZUSF)
- Bual University Students Organization(BUSO)
- Mi-E Peng Sianghleirun Sianggakchia Bu(MSSB)
- Senthang Peng University Students Fellowship(SUSF)
- Zokhua Area University Students Organization(ZAUSO)
- Kalay Lautu Students Fellowship( KLSF)
- Computer University (CU)
- Techological University (TU)
2019 kum Laisianghleirun Siangngakchia Bu(LSSB) hruaitu hna:
President-Salai Ram Zel, Vice-Pre-1 Salai Bawi Bik Thawng Tha, Vice-Pre- 2 Salai Ca Awi Sang , Secretary-Salai Ni Lian Mang, Assist-1 Salai Joel Thiang Bik Cem, Assit-2 Salai John Lawm Bik, Treasurer- Mai Tial Pum Cuai, Assist-1 Mai Anita, Assist-2 Mai Van Sung Chin Auditor: Mai Tial Tha Chin, Assit: Mai Christbell Dawt Lian Sung an si. Nihin Kalaymyo peng chungah Unversity 3 an um. Mah hna cu:
University of Kalay
University of Kalay cu Chin ram khua cheu khat hmun i cuh le lung i hmuh thiam lonak ruang ah Kalaymyo khua Chinram Tedim peng Khaikam khua in farlong paruk a hlatnak, Kalaymyo in mengkua a hlatnak hmun, Sagaing ramthen ah 76.44 area le Chin ramkulh chung 308.56 area kau chung ah an sak i Khaikam College tiah 1993 February 16 ah hunnak tuah a si. A hnu ah Kalay College tiin min thleng a hun si than.
1999 July7 ah Kalay Degree College tiin hun sanh a si. 2003 May 14 ah Kalay University tiah hun sanh a si. 1993 kai rak thokka ah sianghngakchia an zapi 234 le cachimtu sy/m dihlak 30 lawng in an rak si. 2018-19Univeristy of Kalaymyo ah Saya 239,sianghngakchia 7915, Zungriantuan 170 an si.
Technological University
Sagaing ramthen Kalay khua in chaklei meng nga a hlatnak Thuma khuate lamthen Tayiawati khua pawng ah a um i a hmun bitkauh hi Area 48.12 a si. 1999 Dec. 27 ah Government Technical Institute, 2001 Jan.5ni ah Government Technical College tiin le 2007 Jan.20 ni ah Technological University tiin sianginn min pek a si. Chinmi tam ngai te kai a si nain 2007 hnu Hakha ah College an hun chiah hnu in hun zor deuh ngai a si.
Computer University
Computer sianghleirun cu 2004 Sep. 27 ni ah an rak hun i Government of Computer College tiah min an pek .2007- 08 cacawn kum in University of Computer Studies, Kalay tiah ti a hung si. A hmun cu Kalay in meng hra a hlatnak le Kalaywa in meng hleili a hlatnak Cikung khua ah a um i Area 38.36 a kau.
