Avoi 26nak CCU Graduation Day Ah Minung 103 Degree Le Award Minung 12 Peknak An Ngei Lai

Salai Aung| 2019 March 15| March 17 (Sunday) zanlei suimilam 2:00 in HBC (Hakha Baptist Church) ah tuah dingmi avoi 26nak Chin Christian University (CCU) graduation day ah siangngakchia minung 103 degree peknak le minthatnak award minung 12 peknak an ngei lai tiah kan theih.

“Atutan ah Degree a la dingmi hi Mi.Div in minung 7, B.Th in 10, B.Min in 2, Dip.Th in 17, BAE in 3, BBA  in 12, Dip-Eng in 10 le Dip-BA in minung 42 an si lai” tiah CCU- Academic Dean Saya Harvey Van Bik nih The Chinland Post ah a chim.

Atu kum zongah hin Award peknak  a um chih lai. AAC Award, CACC Award, CCU award, David Van Bik Awards, HBA Award, Hornbill Award, Hrangzel-Kim Award, Seventeen Friends Forever Award, MDiv First Batch Award, Tial Fam Bor Award le 2016 BAE Award an si. Award hi minung 12 nih an ngah tiah kan theih.

CCU sianginn nih Degree a rak pek cangmi hna hi 2019 tiangah minung 1382 an si i atu kum 2018-19 kum ah cun 103 nih Degree an lak lai. 2018 kum tiangah khan cun 1279 nih an lak cang. Hmailei ah Master of Arts in Christian Studies zong kum 2 kai in tuahchap rih ding timhlamhnak an ngei. Mah tik ahcun Bachelor a dih cangmi paoh nih kai khawh a si lai tiah kan theih.

CCU ah caantling siangcachimtu (Teaching faculty) hi 21 hrawng an si. Working staff hi 10 tluk an si. Contract staff hi 2 tluk an si. Lamhlat sianginn kai liomi zong an um. Caanlaak in riantuantu hi 21 hrawng an si. Atu lio CCU President cu Dr. Henry Siang Kung a si.

CCU ah scholarship a ngahmi hna cu;
1. Johnson Memorial Scholarship
2. Chin Christian University Scholarship
3. David Van Bik Foundation Scholarship
4. Chin Baptist Churches, USA
5. CEBC, Indiapolis, USA
6. Friends of Myanmar Governing Board
7. Rev. & Mrs. Thlaawr Bawihrin Scholarship an si.

Leave a Commnet

%d bloggers like this: