Avoi 3nak Eagle Group Futsal Zuamnak An Thok; Puai Dih Tiang A Chuih Lomi Paoh Kumkhat Chung An Baar Hna Lai

Salai Elvis| 2018 April 3| Thantlang khuachung zatlangbu pakhat a simi Eagle Group nih avoi 3nak Futsal pumpululh chuih zumnak cu April 3 Lal Luai Certual ah an thok cang. Puai ngeihmi a dih tiang a chuih lomi pupululh phu le minung paoh cu zei bantuk futsal tuahmi paoh ah kumkhat chung baar an si cang lai tiah kan theih.

Hi pumpululh celh zuamnak ah phu 23 an i tel kho i pakhatnak laksawng ah sing 2 le pahnihnak laksawng ah sing 1, trophy le thiamhlei laksawng tuah an si. Hi pumpululh celh zuamnak cu Marie Stopes nih sponsor a pek hna tiah theih a si.

Pumpululh chuihnak chungah a sung lengmang i a donghnak puai ah a chuih zuam ti lo mi cu mizei bu paoh nih Futsal an tuah tikah kum khat chung chuihnak nawl an phih hna lai tiah theih a si.

“Mino hna pumpululh chuaihnak in i hawikom u si, pakhat le pakhat i thei u si law hmailei ah mino hna nih hi zaangleknak ah fakpi in karhlang u si ti saduhthah he tuahmi a si. Hi puai chungah a sung i puai khat chuih ding aa duh rih ko nain chuih ti lo in a ummi phu cu a dang zatlang bu hna nih Futsal tuah mi le Eagle nih tuahmi chungah nan minung le na phu ning in kumkhat chung bar nan si lai” tiah Eagle group Sport Leader Thawng Tin Mang nih hi puai hunnak tuah lio ah a chim.

Hi puai cu zarhhnih tluk tuah a si lai i nikhat ah phu 6 an chuih lai tiah theih a si. Eagle group cu 2009-2010 kum in rak thok mi zatlang bu pakhat a si i khua caah a bik in thlaan lei ah a herhbau mi thilri hlut le thlaankhar tibantuk manfawi tein a zuarmi le a tawlreltu an si. Chungtel hi ramchung ramleng ah an um cio, a tu lio Thantlang khuachungah minung 27 hrawng an um tiah theih a si.

Na ruahning rak langhter ve.. (Leave a comment)

%d bloggers like this: