Avoi 3nak Panglong Conference Ah Observer In Kai A Duhmi Nih July 4 Hlan Ah Sok Khawh A Si
TCP-Online| 2018 June 2| Kumzabu 21 avoi 3nak Panglong Conference ah Observer in kai a duhmi paoh nih July 4 hlan tiang sok khawh a si. Soknak Form cu Union Peace Conference – 21st Century Panglong – Third Session Facebook Page ah a um lai i fill up tuah hnu ah a hnubik July 4 hlan upc21-stcentury.panlong@gmail.com ah kuat ding a si.
Tutuan avoi 3nak Panglong Conference ah hin Observer 170 sawm dingin tlimlamhnak an ngei tiah UPDJC chungtuan nih a chim.
“Observer cu Conference a ratnak le tlunnak pawl bel kan tumpiak hna lai lo. Amah tein an i tum lai” tiah a chim.
Conference ah Observer in a kaimi paoh nih cun conference chung ah biachim ve le ruahnak pek pawl a ngah lo. UPDJC chungtuan theihpinak tel loin Voice record tuah le Video thlak pawl zong a ngah lo tiah kan theih.
Kumzabu 21 avoi 3nak Panglong Conference cu July 11-16 tiang khualipi Naypyidaw i International Convention Center ah tuah a si than cang lai tiah kan theih.
Ref: 7Day
About The Author
