Avoi 47th UPCM Annual General Conference An Tuah Lio

Salai Bawi Lian Sang| TCP Kalay| 2020 March-13| United Pentecostal Church of Myanmar (UPCM) A voi 47nk Annual General Conference cu March 12-15, 2020 tiang Kalaymyo, Tahan ah an tuah lio a si.

Hi Geneal Conference ah Khualian a tlungkhomi cu a tu lio Asia Director Rev. Shaln le a hawi le US lei in Mr. Overton, Mr. Christ le Mr. Murphy hna an si. Yangon lei in Rev. Dr. Ral Buai (Former Superintendent and Founder) le atu lio UPCM General Superintendent Rev. Pa Mang hna, Global Chin Pentecostal Council lei in Choir minung (14) hna le singer minthang tampi an rak tlung kho tiah Rev. Van Tiam- Central Chin State District Superintendent nih TCP ah a chim.

Tulio UPCM (General Officers) lutlai hna cu; General Superintendent –Rev. Pa Mang, General Secretary-Rev. Lian Ci, General Mission Department –Rev. Cin Za Lian, General Sunday School Department-Rev. Sang Lian, General Staff- Sayamah Lalrinhlianni hna an si. 2017-2018 kum lio member milu dihlak 18,130 an si.

The United Pentecostal Church of Myanmar (UPCM) hi 1952, kum in Mizoram ram lei in Falam peng um um Hualngo area an rak lut pah cang. Natein UPC hi 1965 kum April 10 ah Thantlang peng Bungtlang khua ah UPC min bunh in an rak dirh. Lairam ah UPC bu dirh hmasa tu khua hna cu, Thantlang peng um Bungtlang khua, Ngalang khua, Saikah khua hna an rak si. 1973 kum ah Rev. J. Ral Buai cu Fiel Director in UPCM nih tuanvo pek in Yangon a rak phan. Rev. Dr.J Ral Buai nih (General Superintendent cu kum 43) a tuan hnu ah 2016 kum in Rev. Pa Mang cu General Superintendent hruaitu thar a hun si.