Avoi 5nak Hakha PK Nih Cycle Hmai Sticker Benh Le Lam Zulhphung Cawnpiaknak An Ngei

Salai CungCung|2019 May 7| Avoi 5nak Hakha motor PK nih mipi Cycle aa cit mi paoh an Cycle hmai sticker benh piaknak le lam zulhphung cawn piaknak cu May 7 zing suimilam 10 ah Hakah Chin Oo Sii sang ah an tuah tiah kan theih.

“Tu bantuk sticker kan tuahpiak hna cu mipi Cycle an mawngh tikah i ralring deuh hna seh. Cun mtor le cycle accident zong tlawm deuh hna seh ti saduhthah he a si. Motor-Cycle accident in a thi mi le aa hliam mi hi an tam chin lengmang cang ah tubantuk in ka tuahmi hi a si. Hmailei zong ah kan tuah peng rih ko lai” tiah Hakha motor PK tuanvo ngeitu pakhat nih The Chinland Post ah a chim.

Hi sticker benhpiak mi chung ah ca an tial mi cu, Cycle luchin chinh peng ding, minung pahnih cung i cit lo ding, rang tuk in cycle mongh lo ding tiah an tial.

 Motor Cycle accident tlawmdeuhnak ding caah phun 10 in an langhter, 1. Quality tha mi luchin i chinh ding, 2. Na mit tha tein zoh, 3. Zatlang lam ah ralring tein um, 4.  Lam pial lai ah keh le awrh tha tein zoh, 5. Lam umtu ning zoh in ralring te in mawngh ding, 6. Lam pialnak duhsah tein mawngh ding, 7. Na mit in khua zoh thiam, 8. Zudin le rit bu in mawngh lo ding, 9. Duh paoh in mawngh lo ding, 10. Ralrinnak ngei peng tiah an tial.

Na ruahning rak langhter ve.. (Leave a comment)

%d bloggers like this: