Avoi (6) nak HECYF Cup An Thawk Cang

Salai CungCung|2019 September 23|Hakha Evangelical Church Youth Fellowship (HECYF) Cup cu September 23 zing suimilam 11 in Kio Mang Celhtual ah an thawk cang tiah kan theih. Phu 11 an  itel kho.

“Lentecelhnak hi vawlei pumpi nih an tuah mi a si. Hman thiam ah cun hmailei pawcawmnak tiang a chuahpi khawh. Cun pakhat le pakhat dawtnak, hawikomhnak, theihhngalhnak, tibantuk tampi a chuahpi. Hman thiam lo ah cun siknak le huatnak a chuahpi ve. Minung tam deuh lentecelh tik ah kan tei zong kan sungh zong ah Zuu ding kan hman. Cucaah hi pawl cu tuah lo ding bak a si. Lente kan i celh tik ah teinak lawng te ruah loin dawtnak he pakhat le pakhat zawnruahnak he i celh ti ding in kan sawm hna” tiah puai thawknak ah Hakha peng zanglek zung in haotu Pu Jacob nih thazaang peknak bia a chim.

“Hi HECYF Cup cu 2010 khan rak thawk mi a si. 2017 le 2018 ah khan Hakha Town Churches a kan tuah piak ruang kan i din i tukum hi a voi 6 nak kan mah min tein kan thawk than. Kan tuahnak a ruang cu Hakha ummi Evangelical Churches pawl pakhat le pakhat i theihhngalhnak, hawikomhnak le Pathian rian kan tuannak ah i bawmhchan khawhnak hnga caah tuah mi a si. Cun Khirhfabu kan dang cio caah hmunkhat ipum le Pathian thangt hat tinak caan kan ngei kho lo. Cucaah Chun ah lentecelhnak tuah pah in zan ah pumhnak tuah u sih, pakhat le pakhat taksa le thlarau in hawikomhnak ser hna u sih ti kan duh caah a si” tiah HECYF President Rev. Cung Hu nih a chim.

Hi HECYF Cup ah pumpululh chuih zuamnak i laksawng pawl cu Pakhatnak tangka Kyats 150,000 le Trophy, pahnihnak laksawng tangka Kyats 80,000. The best player laksawng ah Trophy a si lai tiah kan theih.

 

Leave a Commnet

%d bloggers like this: