Avoi(13)nk Kalay University Buaihlak Ah Minung 1549 Nih Degree An Lak

TCP-Kalay| 2020 January 20| 2018-2019 cacawm kum Kalay University sianghleirun a dihmi hna buaihpeknak a voi (13)nak cu January 17-19, 2020 kum nithum chung Kalay University Hall ah an tuah. Tu kum Degree a la mi hna cu; Master of Research(M.RES), M.Sc., M.A, B.Sc.(Hons), B.A(Hons),B.Sc., B.A sianghleirun dihlak (1549) le a leng lei in Degree la mi(29) an si hna.

Kalay University ah cawn khawhmi Majors subject dihlak (12) an um; English, Burmese, Geography, History, Philosophy, Eastern Education, Mathematic, Chemistry, Physics, Geology, Zoology, Botany hna an si. Rector Dr. Tha Tun Maung hi Sianghleirun uk tu a si.

Kalay University cu Chinram khua cheukhat hmun i cuh le lung i hmuh thiam lonak ruang ah Kalaymyo khua Chinram Tedim peng Khaikam khua in farlong paruk a hlatnak, Kalaymyo in mengkua a hlatnak hmun, Sagaing ramthen ah 76.44 area le Chin ramkulh chung 308.56 area kau chung ah an sak i Khaikam College tiah 1993 February 16 ah hunnak tuah a si. A hnu ah Kalay College tiin min thleng a hun si than. 1999 July 7 ah Kalay Degree College tiin siseh, 2003 May 14 ah Kalay University tiah hun sangh a si. 1993 kai rak thokka ah sianghngakchia an zapi 234 le cachimtu sy/m dihlak 30 lawng in rak thokmi a si nain 2018-19 Kalay University ah Saya 239, sianghngakchia 7915, Zungriantuan 170 an si cang tiah thawng kan theih.