Ayadaw ni 5 chung kahdohnak ah PDF 10 an nunnak a liam
The Chinland Post | 2023 March 1 — Sagaing ramṭhen, Ayadaw peng chung kahdohnak le bom Accident ruang ah ni 5 chung ah PDF 10 an nunnak a liam tiah thawng theih a si.
February 22 zaanlei sang i Min khua kahdohnak ah SAC nih vanlei kahdohnak a hman caah PDF 7 an nunnak a liam tiah Ayadaw PDF nih an thanh.
Cubantuk in February 27 ah Ayadaw peng hmunhma pakhat ah kum 10 cung PDF 3 hriam Accident ruang ah an nunnak a liam tiah theih a si.
PDF hriamtlai 3 hna cu bom an remh lio ah Accident a cang i a puah sual caah an nunnak a liam hi a si i a nunnak a liam mi 3 hna chung ah hriamtlai Cover le hriamtlai Pha Gyi hna hi kum 18 le kum 19 lawng an si rih hna i a pathumnak hriamtlai Nwe Oo zong kum 20 te lawng a si rih tiah Ayadaw Post nih a langhter.
A nunnak a liam mi hriamtlai pawl caah a hnubik upat peknak le ruak thlahnak zong an tuahpiak hna tiah theih a si.
