Ayeyawaddy Ramthen Hluttaw Haotu Chang Party In An Chuah

0

TCP-Hakha| 2019 January 16| Ayeyarwady ramthen hluttaw ah hman dingmi motor 5 cawknak ah ningcanglo in tangka a hman tin report a tongmi Ayeyarwady ramthen hluttaw haotu chang U San Min Aung cu party chung hlathlaitu phu nih an chekhlat hnu ah Central NLD (National League for Democracy) party nih an chuah.

NLD party nih January 13 ah tuahmi central party (CEC) meeting ning in party in kan chuah thai taktak cang tiah party chimnak nawlngeitu Dr. Myo Nyunt nih fehternak bia a chim.

Hluttaw haotu chang le motor cawtu phu cu a luancia December thla ah party chung chekhlattu phu ser in hlathlainak tuah hnu ah chekhlattu phu nih an hmuhchuahmi hngatchan in party in kan chuah hi a si. Cu pin ah motor cawk dih hnu ah biahrennak (sachoh) deu ah a diklo ning in min a thutu minung pathum zong ca in ralrinnak kan pek hna tiah Dr. Myo Nyunt nihcun a chim. Asinain, ralrinnak pek a tongmi cu mi zeidah an si timi a chimchih lo.

2016-17 budget kum ah hluttaw zung ah hman ding in motor cu 2017 August thla ah an cawk tiah Ayeyarwady ramthen hluttaw zung in tuanvo ngeitu pakhat nih a chim.

Ayeyarwady ramthen hluttaw haotu chang U San Min Aung nih motor a cawk ning kong cu Yangon party zungpi ah auh in bia an hal lio ah thil tuahkel ning, budget zulhphung he aa tlak in ka tuah ko tiah December thla ah khan 7Day Daily ah a chim.
Ref: 7Day Daily

About The Author

Na ruahning rak langhter ve.. (Leave a comment)

%d bloggers like this: