Bago Yoma Ah A Um Mi Khagyin Tlang Sakhaan PDF Nih An Lak I An Khangh Beh
The Chinland Post | 2023 September 11 — Bago Yoma ah a um mi SAC ralkap Khagyin tlang sakhaan cu PDF phufonh pawl nih an kah i an lak hnu ah sakhaan an khangh beh tiah thawng theih a si.
Minhla peng, Seinkanlan-Myochaung lam, Khagyin tlang ah a um i khor zong ṭha tein an i cawhnak sakhaan cu September 9 ah Taryarwady pengkomh B3802, C 5 nih an lak hi a si.
Kahdohnak chung ah hriamngan, hriamhme hna hmang in an doh hna i SAC ralkap nih an kah ṭhan ve ko hna nain teinak an hmu tiah theih a si.
SAC ralkap 20 hrawng, palek 10 le Thit-Ṭaw (သစ်တော) pawl nih hmunhma an khuarnak sakhaan a si i kahdohnak chung ah a thi mi cazin a fiang in theih a si lo tiah an langhter.
SAC ralkap pawl nih sakhaan an zaamtak caah sakhaan an lak khawh i hmunhma an khuar ṭhan khawh ti lo nak hnga an khangh beh tiah theih a si.
