Bangladesh Ram Nih A Voi Khatnak Bik Ralzaam Cazin An Lak

0

TCP-Online| 2018 July 27| Ralzam hna cu a voi khatnak bik cazin lak a si hnuah Cox Bazar a ummi Rohinya tiah auhmi Bengali minung 1118578 a si tiah Bangladesh Immigration zung le Passport Dept DIP hna nih an chim.

2017 kum August thla ah Rakhine ramkulh i Kawl ralkap pawl cawlcangh hnu in ralzaam hna cu rami lonh in Bangladesh ram lei an rak panh hna. Tu ah cun Bangladesh ram ah ralzam hna chungkhar ning in register tuah dingah Bangladesh cozah le UN hna ibawm in an tuah cuahmah lio a si.

Hiti register tuahnak cu cozah le UN hna nih tukum November thla tiang ah tuah khawh dih an tim ti zong Bangladesh ram kokek humhimnak le hmunhma pek thannak zung lei nih an chim. Ralzaam hna cu Kawlram chungah kir than dingin a rauh hlanah timhtuah cuahmah an si i thawl a tongmi ralzaam minung 15000 min cazin zong tu thla dih hlan ah khualipi Naypyidaw lei khuat an si lai.

Tukum February thla khan ralzaam cazin minung 8032 cu Kawlram ah an kuat hna nain Kawl cozah nih minung 2500 lawng an rak cohlan hna. A dang paoh cun cohlan lo an si. Cuti cohlan mi zong tutiang ah cun Kawlram lei an kir rih lo. Hiti a kir rih lomi le kir ding in min cazin thar hna cu hmunkhat ah khualipi Naypyidaw lei kuat an si hna lai.

Nikum August 25 in hnulei Kawlram in Bangladesh lei a zaam mi hi minung 721732 an si tiah UNHCR nih cun a tuaktan i cu hlan i a rak phan cangmi he fonh ahcun chungkhar 204354 in milu 887661 an si hna.

Ref; Irrawaddy

About The Author

Na ruahning rak langhter ve.. (Leave a comment)

%d bloggers like this: