Bangladesh Ummi Phungki Thil Aa Hrukmi Pa Le Amah Lamhmuhsaktu Pakhat Rihkhawdar Ah An Tlaih Hna

0

Rih Khawdar

TCP-Hakha| 2019 March 28| Myanmar-India ramri a simi Chin ramkulh, Rihkhawdar ah Bangladesh ram in phungninglo a rak lutmi phungki thil aa hrukmi pa le lamhmuhsaktu pakhat cu March 27, zing suimilam 10:30 hrawng ah an tlaih hna.

Rihkhawdar khuabawi U Cin Lam Khaing, Khah-lah (228) battatlion in Bogyi Zaw Min Tun, ramri chawlehthalnak tuanvo ngeitu palek phu hna i bawm in phungninglo thilri le mi lutchuak a tlungkalmi an cheknak hna ah atu bantuk in tlaih an ton hi a si.

An tlaihmi cu; Aizawl-Electric sang ah a ummi Aung Tun Sein (kum 38) le Bangladesh ummi- phungki thil aa thuammi U Tan-warah @Sa Tun Oo (kum 33) zeihmanh tette catlap hmuhsak awk an ngeih lo caah an tlaih hna.

U Tan-warah @Sa Tun Oo (kum 33) hi zei bantuk card hmanh ngei lo in Yangon in Malaysia kal aa timh kong le Aung Tun Sein hi lam hmuhsaktu men a si kong palek nih an chimphuan.

Hi  kong he pehtlai in chekhlattu phu nih Rihkhawdar phungki sianginn uktu bawipa sin ah U Tan-warah @Sa Tun Oo cu an kalpi i anmah pahnih cu Rihkhawdar palek nih case tuah in an chekhlat cuahmah lio hna a si.

Ref: Akonthi

About The Author

Na ruahning rak langhter ve.. (Leave a comment)

%d bloggers like this: