Bank Director Hna Nih Chungkhat Sahlawh Sinah Tangka Cawih Lo Ding An Kham

TCP-Thantlang| 2019 March 28| Bank riantuantu Director le tuanvo ngeitu (aya-sih) hna nih an chungkhat le an sahlawh sin ah tangka cawih lo ding in cunglei Bank zung lutlai nih theihternak thawng a thanh hna.

Cunglei Bank zung nih theihternak thawng a thanhmi hna chungah Bank riantuan Director le tuanvo ngeitu (aya-sih) hna i chungkhat a si mi, a nupi, an pa, a unau, chungkhat sahlawh vialte, sinum le nu chun fa (muai-sa) sin ah tangka cawih lo ding kong, cu pin ah Company pawl zong cawih lo ding, Bank ah tangka aa chiah cia cang i  (a suh-se-ya) 5% a tling cang mi le Bank riantuantu hna lawng cawih ding timi kong cathanh an chuahmi chung ah aa tel.

“Bank tangka cawi kongkau hi tlawmpal a buai pah caah cunglei Bank lutlai nih felfai tein an rengh i an tawlrel ko ah cun aa ning deuh ko lai” Economic fimthiam pakhat  a si mi U Hla Maung nih a chim.

Atu lio pumpak nih dirhmi Bank Director le tuanvo ngeitu (aya-sih) hna nih an chungkhat le an sahlawh deuh lawng rian pek le anmah kut tang i riantuanmi Company deuh lawng tangka cawih a hmangmi Bank zong an um len tiah kan theih.

Ref: The Voice

Na ruahning rak langhter ve.. (Leave a comment)

%d bloggers like this: