Banmauk ah KIA le PDF fonh in kahdohnak an tuah, SAC ralkap 61 an thi
The Chinland Post | 2022 June 25 – Sagaing ramṭhen, Kathar pengkomh, Bamauk peng, Minkone le Ywatharwa karlak ah SAC ralkap le KIA, Kathar battalion 2, Bhamout PDF, Indaw PDF hna June 23 ah kahdohnak a chuak i SAC ralkap 61 an thi tiah Banmauk Revolution – BR rianngeitu nih Yangon Khit Thit ah a chim.
“A thimi le hriam kan chuh khawhmi hna hi cu atutiang cun chim awk a ṭha rih lo. June 23 ah kahdohnak voihnih a chuak. Atulio zongah a chuak ṭhan khomi a si. Kanmah lei in fak piin khawndennak a um lo” tiah a chim.
Kahdohnak chungah SAC ralkap pawl a thimi an tam caah an hawile ruak hmanh char loin an zaam dih i Banmauk Revolution – BR nih kan khanghpiak hna tiah a chim.
About The Author
