Banmauk Kahdohnak Ah Ralkap 5 An Thi, Hriam Cheukhat An Lak Khawh
The Chinland Post | 2023 November 13 — Sagaing ramṭhen, Banmauk peng chung ah a cang mi kahdohnak chung ah ralkap 5 an thi i hriam tampi an lak khawh tiah NUG Ministry of Defense nih thawng a thanh.
Sagaing ramṭhen, Katha peng, Banmauk peng, Myit-thae-chin khua thlanglei, Sinkan khua hnulei ah PDF le ralkap pawl karlak ah kahdohnak a chuak i kahdohnak chung ah an lak khawh mi hriam pawl zong Ministry of Defense nih a langhter.
Katha pengkomh PDF No. 4 battalion nih himnak an lak lio ah ralkap 50 hrawng he an i ton caah kahdohnak a chuah hi a si.
Kahdohnak chung ah Katha pengkomh PDF No. 1, Banmauk peng PDF hna an i bawm tiah theih a si.
Ralkap sin in MA-1 zuun 1, MA-2 zuun 2, MA-4 zuun 2, MA-5 zuun 2, 5.56 kuan 626, Machine Gun kuan 10, 9MM kuan 12, 40MM kuan 18 MA kuanbawm 20, MA-2 kuanbawm 1, walkie talkie 6, kuan khamnak 3, taisawmh 5, zaal 4, suimilam 2, phone 2, chiah mi phone 1, Keypad phone 1, Power Bank 1, tibu 1, ralkap luchin 1 hna an lak khawh tiah theih a si.
About The Author
