Bawlakhe Sakhaan Lak Kahdohnak Ah KA/KNDF Hriamtlai 10 An Nunnak A Liam, 3 Fak Ngai In An I Hliam

0

The Chinland Post | 2023 March 9 — Kayah ram, Bawlakhe peng, Thai-Myanmar ramri ah a um mi SAC ralkap sakhaan lak kahdohnak ah KA/KNDF hriamtlai 3 fak ngai in an i hliam tiah Karenni kahdohnak lei thawngzamh nih a langhter.

February 27 zinglei sml 6:00am ah Bawlakhe peng ah a um mi Infantry 135, Infantry 54 le No. 360 ralkap hna nih hmunhma an khuarnak No. 1441 sakhaan 2 cu KA B01, B05, KNDF phufonh hna nih an kah hna i a pakhatnak sakhaan cu fawi te in an lak khawh i 120MM hriamngan 2 an lak khawh, SAC nih kahdohnak vanlawng 5 le hriamngan in an rak bawmh hna caah KA/KNDF hriamtlai 10 an nunnak a liam i 3 fak ngai in an i hliam tiah theih a si.

“Hriamngan pawl cu a rih tuk caah hriamtlai pawl tampi bawm in an cawi lio ah hriamngan an pawng ah a tla i tam ngai an i hliam, SAC lei nih vanlawng, hriamngan he bawm in an kan doh caah aa hliam mi an tam. Sizung kan tlikpi colh mi hna 3 an um, hriamngan ci nih khen ruang ah a hliam mi adang hriamtlai 15 an um” tiah Karenni kahdohnak lei biachimtu nih Khit Thit ah a chim.

A nunnak a liam mi hna hi KA ralkap 8, KNDF hriamtlai 2 an si i March 6 ah an vui hna tiah theih a si.

Kahdohnak chung ah SAC ralkap 10 an thi, 120MM hriamngan 1, 90MM meithal zuun 1, RPG 7 zuun 1, Machine Gun zuun 1, MA2 zuun 3, MA4 zuun 1, adang hriam zuun 2 le bom, kuan hna an lak khawh tiah theih a si.

About The Author

Na ruahning rak langhter ve.. (Leave a comment)

%d bloggers like this: