Belgium Nih 3-0 In Panama An Tei Hna; Lukaku Nih Goal 2 A Sut

0

City Hunter| 2018 June 18| Group G in Belgium le Panama cu June 18 zan ah an chuih i 3-0 in Belgium nih an tei hna. Kawlram caan in Tuzan suimilam 12:30am ah England le Tunisia an chuih lai. Tuzan Belgium le Panama an chuihmi, goal an i sutnak pawl video highlight minute pali chung kan hun taar chih. 

 

Dinhcaan hnu minute 47 an chuih ah D.Mertens nih goal khat a sut. Minute 69 le minute 75 ah R.Lukaku nih goal 2 a sut. Belgium le Panama puai ah yellow card a tam. Belgium lei in minung pathum le Panama lei in minung 5 an zapi minung 8 yellow card pek an tong.

Panama hi 2010 le 2014 kum ah an rak chuih lo. Belgium hi 2010 kum an rak chuih ve lo. 2014 kum quarter final ah Argentina nih an rak thlak hna. Belgium hi tukum champion cotu ding zumhmi lakah aa telmi an si.

Sweden Le South Korea
June 18 zan suimilam 6:30 ah Sweden le South Korea an chuih i Sweden nih 1-0 in an tei hna. Minute 65 ah Sweden lei nih penalty an ngah i Andreas Granqvist nih a sut i a goal.  Sweden hi 2010 kum le 2014 kum world cup ah an rak i tel kho lo. South Korea hi 2010 kum ah group tiang an kai kho nain 2014 kum cun group in an tla colh.

England Le Tunisia
Group G in June 19 deilei suimilam 12:30am ah England le Tunisia an chuih lai. Tunisia hi 2010 le 2014 kum ah an chuih lo. England hi 2010 kum round 16 chuih ah Germany nih an thlak hna. 2014 kum ah group chuih in an tla colh. Tunisia le England hi 1998 kum ah an rak i tong bal i England nih 2-0 in an rak tei hna. World Cup an thawkka in England hi champion voikhat an rak co bal ve.

About The Author

Na ruahning rak langhter ve.. (Leave a comment)

%d bloggers like this: