Bo Nagar MRDA Caah Kyat Sing 3000, Dollar 150000 Le Meithal 98, Bomb Gun Zuun 22 Kan Pek Tiah NUG Nih Cathanh A Chuah
Salai Mangpau | September 15, 2023 —
NUG Ministry of Defence lei nih Bo Nagar hruai mi MRDA caah Kyat sing 3000, Dollar 150000 le Meithal 98, Bomb Gun – Luncher zuun 22 kan pek tiah September 14 ah cathanh a chuah.
NUG Ministry of Defence le ṭangrual mipi ralkap nih Chain of Command tang ah tel in Code of Conduct ralkap phunglam ning in dohthlennak tuahṭi ding ah Sagaing ramṭhen, Yinmarbin pengkomh, Pale peng hrambumh MRDA bu cu Yinmarbin pengkomh hruainak battalion 3,4,5,6, phu ti in March 14, 2022 ah hnatlaknak an rak lak tiah theih a si.
NUG hruainak an cohlan hnu ah mipi ralkap bu pawl nih mah le battalion kip ah bawmhnak cu May 2022 kum in rak pek a si i, nihin ni tiang kyat sing 3180 (US dollar 122976.78) bawmh a si cang tiah an chim.
Cun, Mip ralkap battalion phu tiah cohlan an rak si hlan ah MRDA bu cu hriam sernak caah US dollar 24166.67 bawmhnak an rak pek cang i, People Revolution Fundraising-PRF telh in Ministry of Defence lei nih ramchung ramleng bawmchantu hna nih tangka pek mi US dollar 28070 an rak pek cang. March 2022 kum chung ah MRDA lei in mah Fundraising in hriamnan cawknak caah tamrualṭi phu hna he pehtlai in pek a si hlei ah Ministry of Defence lei in US dollar 90000 an peknak zong NUG lei nih an langhter.
NUG Ministry of Defence lei in dohthlennak hramthawk lei ah MRDA caah meithal zuun 5 le kuan-zen, Bomb Gun- Launcher zuun 15, le kuan-zen cu No. 1 Command nih Yinmarbin pengkomh battalion 4 chung a tel mi battalion no. 6 bu cu meithal zun 93, bomb Gun- lonchia 7 an rak pek hna.
Mipi ralkap ṭangrual phu pawl nih Command pakhat tang kahdoh ṭi ding in an tuah lio caan ah Yinmarbin pengkomh battalion 3,4,5,6 PDF phu cu Chain of Command le Code of Conduct (COC) pahnih phunlam fel tein zulh cio ding in NUG Defence ministry lei nih thawngthanhnak a tuah.
