Bogyoke Aung San muicuang K 500 tlap July 19 in hman an thawk lai

Salai Tluangkipthang — Ramkomh Kawlram i tangka lei tawlreltu Central Bank of Myanmar nih Kyat 500 tlap thar cu July 19 thawk in hman a si cang lai tiah thanhnak an tuah.

Cahnah thar chuah dingmi tangka K500 tlap i a hmailei ah Bogyoke Aung San a cung lai i, a hnulei ah Central Bank of Myanmar innpi a cuang lai.

A tangka catlap hi muici sen a si lai. Cun, K500 tlap i a bitkauh hi a phei lei in 150 mm a sau lai i, 70 mm hi tunglei a si lai. Cun, tangka deu ser khawhlonak ding caah felfai tein tuahmi a si tiah an thanh.

Cozah tangka lei tawlreltu Central Bank of Myanmar nih July 19 ah phungning tein fehternak, thanhnak le zamhnak an tuah lai, nain mizapi sin ahcun, July 21 lawng ah a phan te lai tiah theih a si.

Cc: GNLM

Na ruahning rak langhter ve.. (Leave a comment)

%d bloggers like this: