Bogyoke Aung San Muicuang Tangka 2020 Kum Ah An Chuah Lai

TCP-Thantlang| 2019 May 18| 2020 kum ah Bogyoke Aung San mui a cuangmi tangka chuah le hman a si cang lai tiah rampi Bank zung lutlai sinin theih a si.

“Tu kum dih lei ah a chuak kho te lai, si lo hmanh ah 2020 kum tlawmpal hnu ah a chuak ko lai, zeitik set ah dah a chuah lai timi ruahdamh in chim zong a fawi lo. A si nain a chuak hrimhrim ko lai. A caan a nai pah ko cang” tiah rampi Bank lutlai chang U Soe Thein nih a chim.

Naypyitaw ah tuahmi cozah nih kumthum chung an riantuan mi fianternak tuahmi chungah Media biahalnak cu a cunglei tubantuk in U Soe Thein nih a leh hna hi a si.

Tangka chuah tikah ah hin, rian phunphun a tam pah a caan zong pek ngai a hau, Japan ram nih cun tangka an chuah lai ah kum nga chung caan an lak nak kong, cu bantuk in America zong nih kum 2-3 pi a caan an lak hnu ah tangka an chuah khawhnak kong U Soe Thein nih fianternak a tuah hna.

“Tangka chuahnak ding caah hin Security Structure, Design le Sensitive a tlamtlin a hau, cu hna pawl cu kan tawlrel cuahmah lio pi zong a si” tiah a cunglei upa nih a chim.

Hmailei ca pi tiang rinh kho dingin Bogyoke Aung San mui a cuangmi tangka chuah dingin a luan cia 2017 kum Pyithu Hluttaw ah biarak chah cia mi zong a si tiah kan theih.

Ref: The Fifth Wave News

Na ruahning rak langhter ve.. (Leave a comment)

%d bloggers like this: