Bom le Bomrap Ruangah Ngakchia 115 an thi, hliamhma an tuar cang: UNICEF

The Chinland Post| 2022 July 12 — Ralkap nih hramhram nawlngaihnak a lak hnu in, June 19 tiang ah Rampi huap in ngakchia a tlawm bik 115 tluk an thi, hliamhma an tuar cang tiah June 24 UNICEF Statement ning in kan theih.

Kahdohnak ruang ah a chuakmi le pehtlai in, hriamtlai phu nih bom, bomrap le bom an kahmi a puak colh lomi (landmines/unexploded ordnance (UXO)) pawl an hman ruang ah ngakchia an thih hi a si i, a tlawm bik 47 tluk hi January le April 22 ah a cangmi a si tiah theih a si.

June 19 ah ngakchia nih kut in chehmi bom cu an hmuh i, a puak kho ding ah an ruah lo caah lentecelhnak ah an hman hnu ah a puah caah ngakchia pahnih an thi tiah UNICEF nih cun a thanh.

COVID-19 ruang ah siseh, cun a peh in Ralkap nih nawlngaihnak hramhram in a laknak ruang ah pehzulh in a cangmi harsatnak ruang ah, UNICEF cathanh ning ah, Ramkomh Kawlram pumpi ah bawmhnak pek a hau mi dirhmun a phan mi hi nuai 14.4 (million) a si i, cuchung ah ngakchia nuai 5 (million) an si tiah 2022 ripawt an chuahmi ah an langhter.

Bomrap ruang ah a rak thi mi ngakchia pa hi Tedim ah VCD zoh ding mi a hlan in, a tin pah ah a rak thi (a cunglei hmanthlak). Cun, Magway ramṭhen, Gangaw ah bom a rak puak i kum 7 hngakchia 2 an thihnak kong he pehtlai in UNICEF nih a thanhmi a si.

Na ruahning rak langhter ve.. (Leave a comment)

%d bloggers like this: