Bomrap a thianhmi SAC ralkap bom an puah hnawh chap hna, 12 an thi

The Chinland Post | 2022 September 21 – Sagaing ramṭhen, Shwebo pengkomh, Khin-U peng chung September 19 chun ah SAC ralkap pawl mipi hriamtlai phu pawl nih an kah hna tiah theih a si.

Ye-U khua Traditional Hospital ah hmunhma a khuarmi SAC ralkap pawl Khin-U peng lei an rak chuah lioah atu bantuk in an kah hna hi a si.

“Ye-U Traditional Hospital ah zinglei sml 3:30am hrawngah SAC mawṭaw 3 khat in Khin-U peng Mindaung khua ah thazang 60 an chiah. Cu khua in Mutain hlei i hmunhma an khuarnak sakhaan ah ke in an kal. Cun chun a phak ah Ye U-Khin U lam in an rak chuak ṭhan. Cu lam i an hmanhmi bomrap pawl a puak. A thawng cu hna a chet tak. Anmah lei an i hliam caah khuate hna ah hriamngan an kah. Patmauk khua kum 30 nu kuan nih a khen tiah kan theih” tiah khuami pakhat nih DVB ah a chim.

SAC ralkap nih Ye U-Khin U lam khuate hna hriamngan in an kah caah khuate 5 in khuami hna nih innlo an zaamtak tiah a chim.

KSO chungtel pakhat nih “Bomrap kha tlangtar hmang in kahdohnak tuah an duh kha kan theih. An rat bak in bomrap le Drone in kan doh hna. 12 an thi, 7 an tlawmbik an i hliam. Kanmah lei in pakhat a tlau” tiah a chim.

SAC ralkap pawl cu September 19 ah Khin-U peng Kanthit khua ah hmunhma an khuar tiah theih a si.

Na ruahning rak langhter ve.. (Leave a comment)

%d bloggers like this: