Budalin peng ah bom kha fung in an tuk caah hngakchia 1 le nu 1 an thi

0

The Chinland Post | 2022 October 4 – Sagaing ramṭhen, Budalin peng, Kalaing khua October 3 ah caw a cawngmi kum 35 hrawng nu pakhat nih caw a cawng lioah a hmuhmi bom kha rua fung in a tuk chun i a puah caah cu nu le a pawngkam ah a ummi kum 11 hngakchia 1 an thi tiah theih a si.

Cu bom cu SAC ralkap nih an phih takmi a si men lai tiah khuami hna nih an ruahdamh.

“Lam pawngah a hmuhmi bom kha thingkung tang ah a kalpi. Cun ruafung in a tuk i a puah caah a kut aa tan, a hmai zong a rawk dih i a pawng ah a ummi kum 10 hrawng hngakchia pate pahnih fak tuk in an i hliam i sizung ah an kal pi hna. A kha ah aa hliammi hngakchia pakhat cu a thi. Adang pakhat cu a ke aa hliam” tiah khuami pakhat nih BBC ah a chim.

About The Author

Na ruahning rak langhter ve.. (Leave a comment)

%d bloggers like this: