Budget Tlamtling AhCun December Ah Timit Dinti A Ngah Lai

Salai Cung Cung|2019 Sep. 26| Chin ramkulh cozah le media tonnak ah tuah lio September 23 ah Chin cozah lei nih Budget a tlamtlin ahcun December thla chungah Timit Dinti kan ngah lai tiah tonpumhnak ah an chim.

Timit Dinti peknak konghe pehtlaih in Chin ramkulh cozah chimphunnak nawl ngeitu minister U Soe Htet nih “ Timit Dinti peknak konghe pehtlaih in Timit Tiva in Hakha khuachung tiang cu Myanmar Ahlah Company nih an rak tuah. Tu hi Khuachung ah peknak ding kan tuah lio pi a si. October ah group 4 dih i December ah a tangmi group 8 kan dih ding in timh tuahnak kan ngei. Hi Timit Dinti caah hin cozah lei nih 2018-2019 tangka kum caah nuai 220 le 2019-2020 tangka kum ah nuai 220 pek a si” tiah tonpumhnak ah a chim.

“Tuandeuh company nih an rak tuah mi pawl a that lo caah mipi nih Dinti zawkawk in hmuh khawhnak ding ah a thar in kan tuah than hi a si. A tu a tuah ding company pawl he tonnak le ceihkhannak zong September 3 ah khan kan ngei. Timit Dinti caah hin Budge zapi hmuh mi zapi hi nuai 420 a si i a dih tak tak ding tuak tik ah nuai 800 hrawng a si. Cucaah Budget tlamtling tein kan hmuh ah cun December 31 dih ding in timh tuahnak kan ngei. Tuan deuh a rak tuan mi hna nih cun zeitik dih ding timi a um lo nain tutang cu Budget tlamtling ah cun December 31 ah dih ding in timh tuahnak kan ngei” tiah Sipin Minster U Soe Htet nih tonpumhnak ah a chim chap.+++

Na ruahning rak langhter ve.. (Leave a comment)

%d bloggers like this: