BUSO Nih Sing 30 Dih In Tikir Ah Education Dialogue Le Leadership Workshop An Tuah Lai

Salai Cung Cung |2018 October 28| Tangka Sing 20 leng dih in Bual University Students Organization (BUSO) tawlrelnak in Tikir (B) ah Education Dialogue le Leadership workshop cu November 5 in 8 tiang an tuah lai. Cawnpiaktu ding ah minung 4 an sawm hna tiah kan theih.

“Tutan hi avoi khatnak kan tuah a si lai. Hi tuahnak ahhin kanmah Bual peng chung in lakhah ei mi tete bawmh kan hal hna i cu chung in cun in tuah kan i timh hi a si. Hi dialogue ah hin khual tampi kan sawm hna, cun tangka estimate kan tuahmi ah cun hi cawnnak kan tuahmi cungah Sing 30 leng dih ding in kan timhtuah” tiah Education Dialogue le leadership workshop Committee Secretary Salai Lal Cak Thang nih The Chinland Post ah a chim.

BUSO tawlrelnak in tuahmi Education Dialogue le Leadership Workshop ah cawnpiaktu ding in sawm mi hna cu Salai Bawi Lian Mang nih Leadership, Pastor Doi Sung nih ngakchia zohkhenh ning, Saya Ral Dum nih zei ruang ah dah cathiam kan tlawm timi le Pastor Abednego nih Education Policy kong an cawnpiak hna lai tiah kan theih.

“BUSO tawlrelnak in Workshop tuahding mi ah khual kan sawmmi hna cu (HUSO) Hakha University Students Organization, (TSC) Thantlang Sianghleirun Chungkhar, Kalay (LSSB) Lai Sianghleirun Bu, pengtlangkip sawm an si. Hakha peng ah hin Zokhua peng le Senthang peng, Miei peng. Lautu peng, Khualhring tlang tibantuk in pengtlangkip kan sawm hna. Kanmah Hakha Bual nu le pa, Hakha Bual mino bu, Yangon Bual nu le pa, Kalay Bual nu le pa, Thantlang Bual nule pa, Thantlang Bual mino bu, Bual peng chung ummi khua dihlak zong kan sawm hna. Khual um kal le eidin awk vialte cu kanmah nih kan tawlrelpiak dih hna lai” tiah Salai Lal Cak Thang nih a chim chap.

Na ruahning rak langhter ve.. (Leave a comment)

%d bloggers like this: