C. Ronaldo Cu Juventus Nih Pound Nuai 99 In Kum 4 Ca Hnatlaknak An Tuah Cang

0

TCP-Online| 2018 July 11|  Vawleicung pumpululh minthang Cristiano Ronaldo cu Italy Club ah Champion simi Juventus nih Pound Nuai 99 he Real Madrid in Juventus ithial dingah kum 4 ca hnatlaknak an tuah cang. Real Madird i kum 9 a um chungah Champion voi 4 a lakpi khawh hna.

“Ka nunnak lamthluan ah lam thar kar hlang dingin a caan a cu ka ti caah tubantuk in Juventus i kai thialnak a si” tiah C. Ronaldo nih cun a chim.

C. Ronaldo hi Club pakhat in a dang pakhat aa thial tikah vawleicung pumpululh tuanbia cun a pa 4nak thial man a fak bikmi a si. (Poun nuai 99 cu Kawlram tangka cun Kyats 18,722,597,958.73) a si. 2009 July thla khan Pound nuai 80 in Manchester United in Real Madrid aa thialmi a si.

Vawleicung pumpululh thiam bik laksawng zong voi 5 thengte a hmu cangmi a si (2008, 2013, 2014, 2016 le 2017). Pumpululh tuanbia i C. Ronaldo Record hna cu;
– Real Madrid ah puai 438 a chuih i goals 450
– 2013-14 Champion League ah goals 17 a rawn
– Real Madrid nih Champion League an chuihnak ah goals 105 a rawn
– La Liga ah goals 311

Real Madrid nih Champion 16 an ngahmi chung in;
 La Liga champion voi 2,
 European Cup champion voi 4,
 Club World Cup ah champion voi 3 le
 European Super cup ah champion voi 3 an si.
– Pumpululh a chuih chung ah goals 656 a rawn i, Manchester United ah goals 118, Real Madrid ah goals 451 le a ram Portugal ca ah 85 an si.
Ref; BBC

About The Author

Na ruahning rak langhter ve.. (Leave a comment)

%d bloggers like this: