C.Ronaldo Thlahlawh Cu Messi Nih Tamtuk In A Lonh Cang

TCP-Hakha| 2019 February 8| French media pakhat a simi L’Equipe thanhning ah Messi cu vawleicung ah thlahlawh tambik zaanglekcelhtu a hung si cang tiah theih a si. Messi cu a zuamcawh biktu a simi C. Ronaldo nakin thlakhat ah £3 million tluk tamdeuh a hmu cang i thlahlawh sang bik a hung si cang.

Messi le Ronaldo hi vawleicung zaanglekcelhtu lak i thlahlawh sang bik an simi hi khuaruahhar awk a um lo. Sihmansehlaw, Messi nih Ronaldo thlahlawh a thlau tukmi tu hi khuaruahhar a si.

Atu pumpululh khuacaan ah Spain Laliga i goal tambik a ngeitu Messi hi Barcelona ah thlakhat ah £7.3 million tiang ngunkhuai a pek hlan ah a hmu tiah theih a si. C. Ronaldo cu Juventus ah thlakhat ah £4.1 million tluk lawng a hmu. Messi nakin £3 million tluk tlawmdeuh lawng a hmu.

Vawleicung pumpululh chuihthiam hna thlahlawh sang bikmi 10 cu;
1. Lionel Messi – £7.3million
2. Cristiano Ronaldo – £4.1million
3. Antoine Griezmann – £2.9million
4. Neymar – £2.7million
5. Luis Suarez – £2.5million
6. Gareth Bale – £2.2million
7. Philippe Coutinho – £2million
8. Alexis Sanchez – £2million
9. Kylian Mbappe – £1.5million
10. Mesut Ozil – £1.4million
Ref: Duwun

Na ruahning rak langhter ve.. (Leave a comment)

%d bloggers like this: