Caan Ka Ngeih Cangka Tanghra Ka Phi Than Lai; Fidi Shwe Hmone Yati
City Hunter| 2018 June 18| Myanmar ram zungmawi (art) lamthluan ah hlawhtlinnak pakhat ka hmu ko cang nain fimnak he pehtlai in caan ka ngeih cangka tanghra camipuai ka phi than lai tiah lemcangthiam fidi Shwe Hmone Yati nih a chim.
“Fimnak he pehtlai in tanghra ka awn rih lo caah ka tha a chia. Sihmanhsehlaw, phit than duhnak thinlung ka ngeih caah keimah le keimah zumhngamhnak ka ngei ko. Phit kaa timh zong ah felfaite le tlamtlingte in kaa zuam lai” tiah a chim.
Ka naunu Ngwe Hmone Yati he pehtlai zong in fimcawnnak lawng hi papek in tha a pek.
“Fidi pakhat dirhmun he si lo in innchungkhar dirhmun in a u nu ka si khawh lomi hi ka nau nu nih tlamtlinh kho she ti ka duh. Cucu ka nau nu zong nih a tlamtlinh ko lai, tlamtlinh aa zuam hrimhrim ko lai. Caan pakhat ka hngak i a si ko. Cu ka hngahmi caan a phak tikah ahcun tanghra ka phi than te lai. Ka nau nu tu cu a kum khua hoih he keimah bantuk in hnut ter ka duh lo. Anih cu zungmawi rian fakpi in a tuan rih lo i caan tamdeuh a ngeih caah cuti duhsaknak ka ngeihpiak hi a si. A biapi deuh mi tu hi papek in a ruah le aa zuam hmasa ka duhpiak. Fimnak cu khuazeika hmun paoh ah man a ngei i a sunglawi tukmi a si ruang ah ka naunu hi cathiam siter ka duh ” tiah fidi Shwe Hmone Yati nih a chim.
Fidi Shwe Hmone Yati cu atu lio zungmawi lamthluan cawlcanghnak ah Director Hgunt Myanmar Ngi Ngi Aung thlakmi “Khual (Eh-te) timi muicawl, Shwe Htoo, Nay Chi Oo he an i thlak liopi a si. Shwe Hmone Yati hi Kawlram lemcang thiam fidi hlawhsang bik 5 lakah aa tel vemi pakhat a si.
Ref: 7Day Daily
About The Author
