Caantawi Sipuazi Tuah Na Duh Cun Phe I Kah; U Maung Maung Soe

0

City Hunter| 2018 April 1| Mizapi phorh le thlahnak a simi YBS (Yangon Bus Service) rian ah caantawi i ruahchan in rianrang te in tangka hmuh na duh cun chawphumnak rian tuah lo in phe va i kah uh tiah Yangon khuapi a zungzal cozah chungtel U Maung Maung Soe nih a chim.

March 30, Yangon Dolphin rawldawr ah tuahmi YBS he aa pehtlaimi company hna ahleikhun general le avoi hnihnak kumdongh meeting ah atu bantuk in a chim hi a si.

“Caantawi caahcun rak i tel hlah uh. Caantawi lawng tuan na duh cun fiangte in ka chim, phe va i kah ko uh. Nan miak ding le nan sungh ding cu ka hngal lo. Phe nan i kah ahcun khuaruahhar in tamtuk nan miak kho. Cu bantuk in nan sungh ahcun tampi nan sung kho ve. Caantawite chung tangka hmuh duh i kan sin ah rian a tuanmi pawl hi chawletthal (sipuazi) taktak an si lo. Voikhat rawleinak ding rian a tuanmi an si” tiah U Maung Maung Soe nih a chim.

YBS rian cu caansaupi ca hmuitinh in chawphummi rian le amiak hmuh than te dingmi rian hrimhrim a si ruang ah a hlan bantuk in kumkhat, kumhnih chung ah azin hmuh dingmi phun a si ti lo. Atu ah YBS motor pawl an rawk i remh duh tikah hmunhma kong harnak a um i caan a rauh deuh caah ramkip dirhmun in service centre pawl sak ding an timhtuah.

Yangon ramthen cozah nih bus kalterning phung cu mizapi bawmhnak a pe khomi phunglam thlending in 2017 January 16 ah Mah-bah-htah cu an hrawh. Cun, YBS bus motor kalterning phung cu a hun i thleng. Atu ahcun YBS motor line hi 90 renglo a chuak cang.
Ref: Duwun

About The Author

Na ruahning rak langhter ve.. (Leave a comment)

%d bloggers like this: