CACC Nih Hakha Le Thantlang Peng In Cozah Sianginn Laica Chimtu Minung 576 Training An Pek Cang

0

Salai Cung Cung | 2018 October 10| CACC (Chin Association for Christian Communication) Literature and Culture Society (Lai caholh le nunphung bu) tawlrelnak in Hakha peng le Thantlang peng in cozah sianginn ah Laica chimtu minung 528 training an pek cang hna tiah kan theih.

“CACC- Literature and Culture Society tawlrelnak in Hakha peng ah October 5 le 6 cozah sianginn zaanghleicawi in Laica chimtu Saya\mah minung 229 training kan pek hna. Cun Thantlang peng zong ah October 1 le 3 ah cozah Sianginn ah zaanghleicawi in Laica chimtu minung 347 kan pek hna i Thantlang le Hakha peng ah training kan pekmi hna zapi hi minung 576 an si cang” tiah Pastor Lai Cung nih The Chinland Post ah a chim.

Thantlang peng in minung 48 hi cozah nih rian pek cangmi an si i minung 528 hi cozah nih rian pek rih lomi an si. A taangmi rian pek rih lo mi hna caah cozah nih rian pek khawh ding in CACC Literature and Culture Society nih an zuampiak hna lio a si. October thla chung Naypyidaw ah va kal in rian sokpiak dingin timhtuahnak an ngei tiah kan theih.

“Peng dang le tlang dang ah cun anmah le holh tein cawnnak le cachimtu Saya\mah pawl cozah nih tha tein rian an pek hna. Kanmah Hakha le Thantlang peng ah cun kan tlawm tuk rih cu caah hmailei kan Lai caholh hi a thancho chin nakhnga kan i zuam chih lai. Literature and Culture Society hi cozah sin ah Register zong kan ngeih cang caah hmailei ah cun cozah he Chin National Day tibantuk, Chin Kumthar tibantuk ah hmunkhat te ah rian kan tuanti cang lai. Cozah lei lawng nih tlaih ti lo in kan tuanti cang tiah Literature and Culture Society nih saduhtahnak kan ngei” tiah a chimchap.

Tu lio cozah nih rian pek cangmi Thantlang peng ah Laica chimtu Saya\mah minung 40 cu thlakhat Singkhat (100,000) an pek hna. Zaanghleicawi in Laica chimtu saya/mah hi thlakhat ah ks. 30,000 an pek hna. Hakha peng ah zaanghleicawi in Lai cachimtu saya/mah zapi hi 229 an si, minung pakhat hmanh rian pek an si rih lo tiah kan theih. +++

About The Author

Na ruahning rak langhter ve.. (Leave a comment)

%d bloggers like this: