CACC Nih Lai Bible Aa Palhmi Remh Hnu Ah A Thar Uk 20,000 An Chuahthan

Salai Elvis|2019 May 6| Chin Association for Christian Communication (CACC) nih Lai Bible aa palhmi A4 hmai 32 tluk cu a thar in remh hnu ah uk 20,000 Korea ram ah an chuah than tiah kan theih.

“Lai Bible kan i tlaihmi biafang aa dang mi tete an um pah len caah a palhmi aa dannak le a palhnak tete A4 hmai 32 kan khawmh i kan remh hnu ah aw-khat tein Lai Bible kan rel khawhnak ding caah a tu bantuk in a thar uk 20000 kan nam than hi a si. Cucaah a thar kan remhmi hi pakhat cio nih i tlaih kho hna u sih law kan aw aa ruang lai” tiah CACC GS Rev.Dr. Za That nih a chim.

Hi Lai Bible a thar uk 20,000 an nam thar mi cu Hakha ah uk 13,000 tluk a phan i a dang pawl cu, Mizoram, USA, Europe tibantuk hna ah kuat cio dih a si cang tiah” tiah a cunglei upa nih a chim.

Lai Bible cu 1978 kum lio ah Rev. Dr. David Van Bik nih a rak leh hnu in CACC nih tawlrel in a tu ni tiangah Lai Bible uk 120,000 tluk an chuah cang tiah kan theih.

CACC cu 1988 kum ah rak dirhmi a si i atu tiang ah Association 16, Local Church 5, Ramleng in Khrihfabu 50, Mizoram in Khrihfabu 10 le Bangladesh (Bawm ram) in Khua 70 aa fonhmi bu a si i a tutiang ah CACC chungtel minung 200,000 tluk a si hna tiah kan theih.

Na ruahning rak langhter ve.. (Leave a comment)

%d bloggers like this: