CACC Nih Movie In Lai Muitawn An Tuah Lai

Salai CungCung|2019 April 11| Avoi 22nak Chin Association for Christian Communication (CACC) nih Gangaw peng Okhla khua ah tuahmi Board of Management Meeting ah Movie in Lai muitawn (cartoon) tuah ding biachahnak an ngei tiah kan theih.

“CACC nih Muitawn project kan ngei, a sullam cu kan Laimi nih tuanbia tete tampi kan ngei, Vompi le Phete tibantuk tuanbia kan ngei. Mah pawl hi laiholh tein muitawn in i tuah kho seh ti kan duh. A ruang cu kan fale nih Lai holh in muitawn zoh awk an ngei lo. Hi pawl kan chuah khawh ahcun ngakchia caah fimnak tampi a pek hna lai. Laiholh lei zong tampi an thangcho lai. Hi muitawn Lai movie cu tukum chung ah i thawk kho seh ti saduhthahnak kan ngei” tiah CACC Art and Cultural Department Secretary Rev. Dr. Khar Ling nih The Chinland Post ah a chim.

Lai holh in muitawn zoh awk a um rih lo caah a tubantuk in CACC Art and Cultural Department hruainak in tuah an timh hi a si tiah kan theih.

Leave a Commnet

%d bloggers like this: