Canada Nuhrin Covo Museum Ah Chiahmi Aung San Suu Kyi Hmanthlak Hnon Dingin Bia An Chah
TCP-Thantlang| 2018 August 2| Canada ram Winnipeg Nuhrin covo Museum chungah chiahmi Aung San Suu Kyi hmanthlak cu hnon dingin biachahnak an ngeihnak kong Museum chung riantuantu pakhat nih a chimmi cu Canada ram Media hna nih thawngthanhnak an tuah.
Hi Museum chungah chiahmi hmanthlak hna cu nuhrin covo a humzualtu tiah minthatnak caah an hman thlak tar an si i kum tampi chiah cangmi Aung San Suu Kyi hmanthlak cu chiah ti lo in hnon a si cang lai tiah tuanvo ngeitu nih Angela Cassie sin ah a chimmi cherhchan in media hna nih an phozar hi a si.
Miphun tlawmte a simi Rohingya Muslim kong he pehtlai in Aung San Suu Kyi cu nuhrin covo humzualnak kongah aa tlak lo pin ah a hmanthlak zong Museum chungah chiah dingin aa tlak lo tiah a dohdaltu zong an um. Cu pinah minthatnak (Kung-tthu-sawng) ah thimmi Canada ram hmanthlak Museum chungah chiahmi Aung San Suu Kyi hmanthlak mei ceuhmi zong an hmihpiak. Cu a hmanthlak hmai ah cun Rohingya kongkau ah a chimmi kong zong an tar langhpiak chih.
Vawleipi nih Rohingya Muslim tiin theihmi le chimmi cu Kawlram cozah nihcun Rakhine ram Rohingya ti lawngin a pompiak. Aung San Suu Kyi cu Canada rampi nih minthatnak 2007 kum lio ah an rak pekmi cu Rakhine buaibai hnu in chuh than le hnonpiak an timh hi a si.
Ref: VOA
