Cawmi tangka pawl cham ṭhan a hau ti lo tiah Mindat Mipi uknak phu nih an thanh

0

The Chinland Post | 2022 April 21 – NLD cozah chan ah cawi a rak simi tangka pawl cham ṭhan a hau rih lo tiah Mindat mipi uknak phu nih an thanh.

Myaseinyaung tangka cawimi, furcaan cinthlaknak caah cawimi, Cooperative ah cawimi tiah cozah sin ah rak cawi a simi tangka vialte cham ṭhan ding in SAC nih a hnek hna tiah theih a si i a tulio cu SAC nih hramhram in uknak a lakmi ram pumpi in doh a si.

Mindat peng mipi hna nih SAC he pehtlai in tangka cham a hau rih lo, dothlennak a dih hnu cozah thar a dir ṭhan tikah cawimi tangka pawl chamnak ceih ṭhan a si te lai.

Cun, zuatkhalhnak ding ah pek a simi sia pawl he pehtlai in Livestock and Medical Department Non-CDM pawl nih an rak i thlakmi bia pawl zong zeihmanh relpiak lo ding in Mindat mipi uknak phu nih a thanh.

Sia pawl cu NLD chan ah khuami hna nih zohkhenh ding in pek a si i a tu cu Mindat mipi uknak phu ta a si tiah lak an si cang caah a zuami hna zong nih mah miaknak caah hman lo ding in thanh a si.

Mindat mipi uknak phu cu SAC doh hnu ah a voikhatnak bik dirhmi mipi uknak phu pakhat a si ve.

About The Author

Na ruahning rak langhter ve.. (Leave a comment)

%d bloggers like this: