CBC nih Chin Lungrualnak Meeting Auhmi Chin Cozah nih A Kham

Chin Baptist Convention i Social Program Chin Shalom Mission nih a voikhatnak tuahmi Chin Peace & Unity Conference at Falam January 17-19, 2019/CH

Salai Josephbawi| TCP 2020 January 30| Chin miphun lungrualnak zeitin dah hmailei kan kalpi lai timi tlangtar in Chin Baptist Convention (CBC) hruaimi Chin Shalom Mission (CSM) nih avoi (2)nak Mindat tuah ding 2020 January 29 in 31 cu an tuah lai ni January 28 zanlei ah tuahnak nawl kan in pe kho hna lo tiah Chin Ramkulh nih a kham hna tiah kan theih.

Hi kong he pehtlai in Chin Ramkulh Cozah chimrelnak nawlngeitu U Soe Htet nih “ CBC nih tuah dingmi puai caah nawl an kan halmi cu biaknak lei conference a si lai tiah kan rak ruah. Atu cu CNF minung (8) lawng silo in Chin ramkhel party dihlak zong an kai lai an ti caah an kan halmi le an tuahmi aa dan caah tuahnak nawl kan pek hna lo hi a si. CNF tu cu NCA min a thumi an si caah NRPC hnatlaknak tello in an kai kho lo” tiah The Chinland Post ah a chim.

“Chin Shalom Mission hi CBC nih an thawhmi tangka chungin tuah ding tiah hnatlak in tuahmi a si. Hruaitu pakhat sinak in cunglei meeting ah tha tein ka tlakpi lai.  sing 300 in 400 leng dih in kan tuahmi a si. Hi kan tuahmi zong hi Chin Baptist Khrihfabu 907 aa telmi CBC hnatlaknak in kan tuahmi a si. A tu avoihnihnak an kan onh lo zongah a voithumnak tiin kan tuah than thiamthiam lai. Hi kan tuahmi hi Chin lungrualnak, Chin thanchonak le daihnak caah kan dirhmi le kan tuahmi a si. Tuahnak nawl kan hal hna lio zongah zeihmanh hallo in kan tuah lai January 28 zan 9:00pm ah Mindat peng uktu nih nawl kan in onh kho hna lo nan tuah ahcun upadi ningin taza kan in cawi hna lai an ti caah meeting kan tuah than i hi bantuk in kan ngolmi a si.” tiah CBC GS Rev. Dr. Lawha Ling nih an khamnak kong he pehtlai in fianternak an tuah lio January 29 ah a chim.

“Kawlram Cozah le Ramkulh Cozah he kahngol daih hnatlaknak NCA ningin tih anunnak tiah rikhiahmi dah tilo CNF hi khoika paoh ah kan kal kho, mizapi he zong kan itong kho. Hi bantuk CBC nih tuah dingmi tonnak zongah CNF an itelh caah NRPC nawl a herh hmasa, nawl an kan onhlo ahcun kan in onh hna lo timi ca in a rat ding a si. Zei ruangah nan kan kham timi afiangmi um lo in kan in onh hna lo hi cu thil dik a si lo. Hi bantuk a biapi taktakmi meeting CBC nih tuahmi hi aho dah a kai lai ti zong an thanh cang hna. Cuaah a tlaibik ni (3) tal ahcun nan tuah kho lo an ti ding a si. Cozah pakhat a simi Chin Cozah nih Chin ram dirhmun zong a thei awk a si. Zarhkhat tuan zongin thawngthanh cia ding a si. Hi bantuk in mipi hi kan sersat hna hlah she” tiah Dr. Sui Khar nih thawngfianhnak an tuah lio biachimnak ah a chim.

Khrihfabu chungtel 907 a ngeimi le Chin Baptist vialte fonhnak bu Chin Baptist Convention nih Chin miphun hmailei zeitin dah lungrualnak le lung ihmuhnak kan ngei khawh lai tiah CBC hnatlaknak in Chin Shalom Mission cu a voikhatnak Chin lungrualnak meeting cu 2019 January 17 in 19 tiang Falam ah an rak tuah bal cang. +++

 

Na ruahning rak langhter ve.. (Leave a comment)

%d bloggers like this: