CBC Triennial Meeting Ah Hruaitu Thar Thimnak An Ngei Lai

0

Salai Elvis| 2019 March 22| Chin Baptist Convention (CBC) ramchung Triennial Meeting le khawmpi cu March 21-24 tiang TABC ramchung Thantlang Baptist Church (TBC) ah an tuah cuahmah lio a si i hruaitu thar thimnak zong an ngei hna lai tiah kan theih.

Tutan CBC ramchung Association le Local Church  34 chungin khual 640 a tlung ding tiah rikhiah an si nain minung 450 tluk lawng an tlung kho” tiah tuanvo ngeitu pakhat nih a chim.

CBC Triennial Meeting le khawmpi tuahnak ding a si mi inntek TBC nih nih a tha bikin an i timtuah. Hi Triennial Meeting a tlamtling khawhnak ding caah Committee 12 an ser; khualtlung meleng donnak kong, Mandat le pumhnak hmun Committee, Phaisa tawlrel tu, Din-einak kong, ringawn lei, tamhmawih nak lei, Phuanhhlauh Committee, Ngandamnak lei, Steward, Ti le mei kong, Donlak nak kong le khuallian zohkhenh tu Committee tiin an then hna i Committee pakhat ah hruaitu zong an um hna. Steward lei tawlrel tu hna cu TBC, JMBC le TCBC mino hna nih tuanvo an lak lai tiah kan theih.

Rawl voikhat einak caah sing 12 tluk dih dingin suaisam a si bantuk in TBC Khrihfabu Sangthen 5 telh in JMBC, TABC le TCBC hna zong thawhvo pek an si. Zingthawh hlam (Breakfast), Dinti thiang, Decoration, Meeting chung Refreshment, Moh-Oo tuahnak, Motor hlannak le a dangdang caah pumpak in siantawk a pe mi hna zong an um hna tiah kan theih.

Pumhnak caan hman ning: March 21-22 zan pumh TBC biakinn, March 23 (zarhte zan) le March 24 (zarhpi zing le zan) Christian Community Hall (Hei Mang nunzia remhnak) le zarhpi chunhnu Special Talk- Re. Dr. Bernard Luai Hre (Free Talk) le Chinchin Pekthang (Peace Process) hna nih TBC biakinn ah cawnpiaknak an ngei lai. Zarhpi ni zingpumh ni ah JMBC, TCBC le Mara Baptist Church cu an biakinn khar in hi khawmpi chungah Pathian thangthat tinak an i hrawm hna lai.

CBC ramchung Triennial Meeting le khawmpi cu kumthum dan ah voikhat tuah tawn mi a si i tutan ah hruaitu thimnak zong a um chih lai. A tu lio CBC ramchung lutlaibik General Secretary cu Rev. Dr. Law Ha Ling a si tiah kan theih.

About The Author

Na ruahning rak langhter ve.. (Leave a comment)

%d bloggers like this: