CCPR Nih Paletwa Ralzam Hna Caah Thilpuan le Inn Bawmhnak An Pek

0

CCPR Nih Paletwa Ralzam Hna Caah Thilpuan le Inn Bawmhnak An Pek

Yangon| TCP| August 2020

Arakan Army (AA) le kawl ralkap hna ikahnak in hartong Paletwa ralzam hna caah Chin Center for Peace and Reconciliation (CCPR) nih thilri, thil puan hruk-aih le inn hna an bawmh hna tiah thawng kan theih.

“Tutan bawmhnak kan pek khawhmi hna cu inn dong 200 hlei an si i minung in cun 1000 hlei an si. Kan pekmi hna hi nifatin an nun tlawnlennak ah a herh bak tiah ruahmi pawl an si hna. Cu hna lak ah, rawl chumhnak um-kheng, ti thennak le khonnak, puan, nithawng, angki le hni, taksa pum thianh hlimhnak ah a herhmi hatawlnak, kholhnak ti bantuk an si,” tiah Hakha zung a thu mi Salai Peter Sang nih the Chinland Post ah a chim.

“Atu hi avoikhatnak kan bawmh hna cu asi. Ralzam pawl siarem, tha deuh in an i dor khawh nakhnga tiin inn 150 hrawng kan sak piak cuahmah hna lio asi. Sianginn a kai ding hi 1000 hlei an si i sianginn le cachimtu saya/mah te an ngei lo. Cu zong cu, kan si khawh tawk in bawmhchan khawh dingin kan izuam cuahmah lio asi,” tiah Director a tuan lio mi Salai Hei Hmung Thang@Adam nih a The Chinland Post ah a chim.

CCPR cu Myanmar ramdaihnak (peace process), zauk phung democracy le federalism kong hna Chinmi nih an theih khawhnak ding caah Chin ramkulh ah biatak in a tuan cuahmah liomi an si. Cun, Chin ramkulh thanchonnak lei bawmhnak (social development) le adang mino lei thanchonnak rian zong a tuanmi an si.

About The Author

Na ruahning rak langhter ve.. (Leave a comment)

%d bloggers like this: