CCU Nih A Hmasabik Master of Literature Degree Minung Pahnih A Pek Hna
Salai Aung| 2019 March 15| March 17 (Sunday) zanlei suimilam 2:00 in HBC (Hakha Baptist Church) ah tuahmi avoi 26nak Chin Christian University (CCU) graduation day ah Dr. Bawi Hu le Pu Stephen Ni Kio cu CCU nih a hmasa bik Master of Literature (M.Lit) degree an pek hna.
Hi kong he pehtlai in CCU-Academic Dean Saya Harvey Van Bik nih, “Atu bantuk in kan peknak hna cu CCU cachimtu nih Board of Trustees ah an chuahpi i BT nih a lungtling pi hna ca ah a si. Kan peknak hna a ruang cu; Dr. Bawi Hu nih English to Chin Dictionary cauk a kan chuahpiak caah le Pu Stephen Ni Kio cu Lai nunphung cauk tialmi in minthatnak a kan hmuhpiak caah CCU nih a hmasabik minthatnak le upatnak degree kan pek hna hi a si” tiah The Chinland Post ah a chim.
2018 March 29-April 1 tiang Hakha peng, Nabual khua ah tuahmi CACC (Chin Association for Christian Communication) Triennial meeting ah CACC nih kumkhat voikhat a pek tawnmi CACC award cu Pu Stephen Ni Kio an pek. Cu bantuk thiamthaim in 2015 kum ah Sayagyi Dr. Bawi Hu an rak pek tiah kan theih.+++
About The Author
